A Senda dos Faros

-

Pois disto que temos no equipo da biblio a alguén que morre polos faros e non se lle ocorreu máis que embarcarse nun proxecto que promete, promete moito. Nisto se enredou Silvia, a profe de lingua castelá, xunto cos alumnos de 1º de Bacharelato.

Partimos a nosa andaina no Museo dos Mares de Cedeira. Documentamos o proxecto da man Jose de Vigo, quen nos contou moitas particularidades da Vila, dos mares e dos mariñeiros. 


Noutra destas, tivemos a gran sorte de que o avó dun dos alumnos que forma parte deste fermoso proxecto, Álvaro, viñera falarnos da súa historia como fillo do fareiro da Candieira, ese faro que é para nós un referente. Viviu no faro nos anos 50 e lembra o momento no que empezou a alumear a súa lanterna. Con moita ironía, compartiu con nós as lembranzas dunha época que xa non existe, aquela na que os faros non estaban automatizados e os fareiros eran os señores da luz.
Grazas a José Piñón, por aprendernos sobre os faros e sobre a vida!!


En busca das mellores vistas para plasmar, recorreron os nosos rapaces, "Percebiños producións", a costa de Ortigueira e Cedeira. Cabo Ortegal, Bares, Herbeira e Sarridal.
Este é un recoñecemento para o equipo de documentación e produción deste proxecto, que medra e agroma grazas a estes alumnos de 1º de Bacharelato que fixeron xornada de traballo sen queixarse.
Aí van as imaxes!





Comentarios

Publicar un comentario

Entradas populares de este blog

Curta de Cans.

-
Co alumnado de Antropoloxía de 1º de Bacharelato  decidimos poñernos a grabar e botar a andar a imaxinación. Baixo o lema de enxalzar a natureza da costa da nosa terra, quixemos transmitir a través dos cinco sentidos as sensacións e emocións que a paisaxe nos regala cada día. E foi así como nos fixemos co segundo posto no concurso "Senda Litoral" do Festival de Cans. Rematamos este pequeno proxecto con máis orgullo, se cabe, deles, que se animan co que lles poñamos por diante. Vida á palabra, á música e ao saber sentir.
Leer más

Erasmus Finlandia

-
Imagen
Dentro do proxecto Erasmus KA229 co que estamos a traballar, desta volta tocounos viaxar ata Finlandia, un dos países referentes polo seu sistema educativo. O alumnado do centro acompañounos para ensinarnos as instalacións do centro. Espazos amplos e abertos, decoración minimalista pero con estantes cheos de materiais de traballo. Entre a diversidade de aulas, sorprendeunos a dedicada á materia de cociña, de costura e de fabricación de bisutería. Na biblio do noso centro traballamos cos rapaces no recreo para a confección de pezas de lá, pero tomamos a idea de poder engadir tamén a elaboración de bisutería, xa que pode resultar moi atractivo para eles e axudar en gran medida a desenvolver a creatividade.  Puidemos mergullarnos tamén dentro das aulas. O silencio, a tranquilidade, a orde, o saber escoitar e o respeto do turno de palabra primaban en cada un dos espazos. Delas recollimos algunha idea para implementar nas nosas aulas, como o emprego dun fío musical, a libre elección para fa
Leer más

A Radio: Entrevista a Chewis e a Ángel Díaz

-
Imagen
Aquí vos deixamos dúas entrevistas, as que alumnos da radio de 4º da ESO fixeron na Onda Discalza a Chewis, de Los Eternos e a Ángel Díaz, de Airoa e membro da organización do festival. Un programa con dúas gravacións ben interesantes para promocionar o Festival máis senlleiro da Vila de Cedeira, os Discalzos Polo Festival Un saúdo, Discalzos todos! 
Leer más