Evolución do Invernadoiro

-

O traballo dos rapaces xa deu o seu froito, agora só falta ver medrar as sementes.

En febreiro de 2020 puxemos a andar un proxecto dos que prometen: o horto escolar, o cal forma parte do noso Argalladoiro. 

Ao principio foron os voluntarios da Biblioteca quen o estrearon. Que lle poñen ganas é evidente, só hai que velos traballar!

Pasada a pandemia, foron os máis maiores os que se animaron a montar os semilleiros. Como vedes, non teñen problema en manchar as mans.

Os que lle puxeron continuidade a este proxecto foron Paulo e o seu alumnado de Voluntariado Escolar de 2º de Bacharelato, no que volcaron toda a súa ilusión e esforzo na construcción deste invernadoiro. 


A día de hoxe, estamos á espera de ver agromar e crecer o que cultivamos entre mans. 


Deixamos na súa garda, a nosa última incorporación a este proxecto, e ao equipo. Presentámosvos a Lupe.
Orgullo de profes!




Comentarios

Publicar un comentario

Entradas populares de este blog

Curta de Cans.

-
Co alumnado de Antropoloxía de 1º de Bacharelato  decidimos poñernos a grabar e botar a andar a imaxinación. Baixo o lema de enxalzar a natureza da costa da nosa terra, quixemos transmitir a través dos cinco sentidos as sensacións e emocións que a paisaxe nos regala cada día. E foi así como nos fixemos co segundo posto no concurso "Senda Litoral" do Festival de Cans. Rematamos este pequeno proxecto con máis orgullo, se cabe, deles, que se animan co que lles poñamos por diante. Vida á palabra, á música e ao saber sentir.
Leer más

Erasmus Finlandia

-
Imagen
Dentro do proxecto Erasmus KA229 co que estamos a traballar, desta volta tocounos viaxar ata Finlandia, un dos países referentes polo seu sistema educativo. O alumnado do centro acompañounos para ensinarnos as instalacións do centro. Espazos amplos e abertos, decoración minimalista pero con estantes cheos de materiais de traballo. Entre a diversidade de aulas, sorprendeunos a dedicada á materia de cociña, de costura e de fabricación de bisutería. Na biblio do noso centro traballamos cos rapaces no recreo para a confección de pezas de lá, pero tomamos a idea de poder engadir tamén a elaboración de bisutería, xa que pode resultar moi atractivo para eles e axudar en gran medida a desenvolver a creatividade.  Puidemos mergullarnos tamén dentro das aulas. O silencio, a tranquilidade, a orde, o saber escoitar e o respeto do turno de palabra primaban en cada un dos espazos. Delas recollimos algunha idea para implementar nas nosas aulas, como o emprego dun fío musical, a libre elección para fa
Leer más

A Radio: Entrevista a Chewis e a Ángel Díaz

-
Imagen
Aquí vos deixamos dúas entrevistas, as que alumnos da radio de 4º da ESO fixeron na Onda Discalza a Chewis, de Los Eternos e a Ángel Díaz, de Airoa e membro da organización do festival. Un programa con dúas gravacións ben interesantes para promocionar o Festival máis senlleiro da Vila de Cedeira, os Discalzos Polo Festival Un saúdo, Discalzos todos! 
Leer más