A Radio: Día de Rosalía

-

Dende a Biblioteca do IES Punta Candieira, queremos dar a benvida a todos os nosos novos radiooíntes de Onda Discalza, a emisora de radio que nace ao abeiro do programa Radio na Biblio. Non deixedes de seguirnos porque os alumnos forman un equipo estupendo. O Día de Rosalía foi a nosa estrea. Invítovos a que escoitedes os programas que se gravaron ese día tan especial para nós.

Seguiresmo aí!

Podedes escoitarnos en iVoox, na Canle de Onda Discalza, mesmo podedes descargar a aplicación nos vosos móbiles para facer un seguimento puntual. Deixámosvos os enlaces aos programas.

Ata o próximo programa, agardamos que vos guste.


Presentación

Primeiro programa da emisora coa benvida de todos os que fan posible a Onda Discalza.


Entrevista con Guadi Galego

Este é o segundo dos programas emitidos na primeira emisión da Onda Discalza, para conmemorar o Día de Rosalía. Contamos con Guadi Galego para poñer en valor o papel da radio na educación e o da muller na música.


Entrevista a Anxo Angueira

O Día de Rosalía, os colaboradores da Onda Discalza, realizaron unha entrevista a través do teléfono con Anxo Angueira, Presidente da Fundación Rosalía de Castro.


Teatralización

O Día de Rosalía, os colaboradores da Onda Discalza crearon e locutaron unha teatralización cunhas protagonistas moi especiais.


Silencio

Homenaxe a Rosalía, cun poema de "Follas Novas", Silencio. Cantado polos alumnos de 2º de bacharelato, presentado polos locutores da Onda Discalza. Con música de Paulo Vicente.



Un agasallo!

Comentarios

Publicar un comentario

Entradas populares de este blog

Curta de Cans.

-
Co alumnado de Antropoloxía de 1º de Bacharelato  decidimos poñernos a grabar e botar a andar a imaxinación. Baixo o lema de enxalzar a natureza da costa da nosa terra, quixemos transmitir a través dos cinco sentidos as sensacións e emocións que a paisaxe nos regala cada día. E foi así como nos fixemos co segundo posto no concurso "Senda Litoral" do Festival de Cans. Rematamos este pequeno proxecto con máis orgullo, se cabe, deles, que se animan co que lles poñamos por diante. Vida á palabra, á música e ao saber sentir.
Leer más

Erasmus Finlandia

-
Imagen
Dentro do proxecto Erasmus KA229 co que estamos a traballar, desta volta tocounos viaxar ata Finlandia, un dos países referentes polo seu sistema educativo. O alumnado do centro acompañounos para ensinarnos as instalacións do centro. Espazos amplos e abertos, decoración minimalista pero con estantes cheos de materiais de traballo. Entre a diversidade de aulas, sorprendeunos a dedicada á materia de cociña, de costura e de fabricación de bisutería. Na biblio do noso centro traballamos cos rapaces no recreo para a confección de pezas de lá, pero tomamos a idea de poder engadir tamén a elaboración de bisutería, xa que pode resultar moi atractivo para eles e axudar en gran medida a desenvolver a creatividade.  Puidemos mergullarnos tamén dentro das aulas. O silencio, a tranquilidade, a orde, o saber escoitar e o respeto do turno de palabra primaban en cada un dos espazos. Delas recollimos algunha idea para implementar nas nosas aulas, como o emprego dun fío musical, a libre elección para fa
Leer más

A Radio: Entrevista a Chewis e a Ángel Díaz

-
Imagen
Aquí vos deixamos dúas entrevistas, as que alumnos da radio de 4º da ESO fixeron na Onda Discalza a Chewis, de Los Eternos e a Ángel Díaz, de Airoa e membro da organización do festival. Un programa con dúas gravacións ben interesantes para promocionar o Festival máis senlleiro da Vila de Cedeira, os Discalzos Polo Festival Un saúdo, Discalzos todos! 
Leer más